गणतंत्र दिवस, पेरट गिरौण्ड मा बैरिकेटिंग तैं लंग्यैं कि झांकी क वाटा मा ऐग्यीं ळोग

देरादूण। 74 वु गणतंत्र दिवसा क मौका फर आज देरादूण पेरट गिरौण्ड मा उर्यूं कार्यक्रम मा सुरक्षा मा बड़ी भारी गलती ह्वैग्यें। कार्यक्रम मा सुरक्षा घेर तैं तोड़िक ळोग मंच के समणि ऐग्यीं। ळोग बैरिकेटिंग तैं लंग्यैं कि झांकी क वाटा मा ऐग्यीं। जै का बाद पुसिळ मा रंगताट ह्वैग्यें अर पुलिस कप्तान एसएसपी दलीप सिंह तैं ळोगु तैं पिछने करण प्वाण। हळात इतगा खराब ह्वैग्यें छायीं कि मंच बटि मुख्यमंत्री धामी तैं पुलिस तैं ब्वन पोड़ि की जनता दगड़ सख्ती न कर्यां। जैका बाद पुलिसान विनति कायी कि झांकी कु वाटा थैं खाली करि दियां अर ळोग पिछनै बटि हि कार्यक्रम तैं देख्यां।