नौन्यिाळु अर समाज थैं संस्कार वान बणौंणा मा राष्ट्रीय स्वयंसेवक सदनि अग्वाड़ि रैं: सतपाल महाराज

रुद्रप्रयाग। औंण वळु साल मा चारधाम जातारा चुनौती ह्वैळी। इल्लै चारधाम मा औंण वळा जादा उमरिक जातरियों क स्वस्थ्य जांच करणा खूंणि हमन स्वास्थ्य निदेशायल अर जनता बटि जरुरी सुझाव मंगें जाणा छन।

या बात राष्ट्रीय स्वयं सेवक संघ क प्रकल्य ‘उत्तरांचल देवीय आपदा पीड़ित सहायता समिति’ कु उर्यूं श्री बाबा केदार बालक छात्रावास गुप्तकाशी क वार्षिकोत्सव मा लोक निर्माण , पर्यटन, पंचायती राज, ग्रामीण निर्माण, सिचांई, जलागम, धर्मस्व एवं संस्कृति मंत्री सतपाल महाराज न बोलि।

सतपाल महाराजन बोलि कि देस मा नौन्यिाळु अर समाज थैं संस्कार वान बणौंणा मा राष्ट्रीय स्वयंसेवक सदनि अग्वाड़ि रै।

महाराजन बोलि कि औंण वळु साल मा चारधाम जातारा एक चुनौती ह्वैळी। इल्लै चारधाम मा औंण वळु साल मा चारधाम जातारा चुनौती ह्वैळी। इल्लै चारधाम मा औंण वळा जादा उमरिक जातरियों क स्वस्थ्य जांच करणा खूंणि हमन स्वास्थ्य निदेशायल अर जनता बटि जरुरी सुझाव मंगें जाणा छन। उन्न बोलि कि ऐसु क साळ चारधाम जातरा मा 46 लाख 2 हजार 392 तीरथ जातरी जातरा मा ऐयीं।

महाराजन न बोलि बल प्रदेस सरकार ह्यूंद क मैनौं मा पर्यटन थैं अगनैं बढौंणा खूंणि कोसिस करणि च। यां खूंणि प्रदेस सरकारन 12 गढ़वाल अर 12 कुमौं क तीरथा क जगों थैं शैव, वैष्णों अर शाक्त सर्किट बण्यें याली अर नागराजा सर्किट थैं बण्यें जाणा क कोसिस हूंणि च।

महाराजन बोलि कि कालीमठ घाटी मा गौं क नेतौंन अपड़ि-अपड़ि दिकदरि बतै, जैथैं जल्दी हि ठीक करणा कोसिस कर्यें जाली। महाराजन छात्रावास मा रै कैकि पढ़ै करण वाला स्कुळयां नौन्याळु क दरकार खूंणि 2 लाख 51 हजार रुप्यौं दियें जाणा क घोषणा भि कायी।

केदारनाथ विधायक शैलारानी रावतन आरएसएस क मदतान हूंणि वळा कामु क बढै़ कायी अर बोलि कि आरएसएस क बदौलत हि आपदा मा अपडु सबि कुछ हरचण वला अर तंगैय (गरीब) मा रैंण वळा नौन्याळु थैं बौत बडु सारा मिलिग्यें।

विधायक शैलारानी रावतन मदमहेश्वर अर तुंगनाथ धाम क जातरा थैं केदारनाथ धाम क तरौं करणा क मांग महाराज से कायी।