निशंक न कायी द्वी नैं केन्द्रीय विद्याळयों कु उद्घाटन

नै दिल्ळी : केन्द्रीय मंत्री डाॅ. रमेश पोखरियाळ निशंक न आजै दिन द्वी नैं केन्द्रीय विद्याळय, बेतिया अर कोरबा कु उद्घाटन कायी।

ये मौका पर डाॅ. निशंकन ब्वाळ कि इबरि देश मा 1245 केन्द्रीय विद्याळय चळणा छन। पिछळा साळ देश मा 151 नैं केन्द्रीय विद्याळय ख्वळें ग्यी।। उन्न ब्वाळ कि देश मा 13,88,899 नौंनियाळु थैं केन्द्रीय विद्याळयों मा शिक्षा मिळणि च। उन्न ब्वाळ कि मिं केन्द्रीय विद्याळय संगठन का सभि अधिकारियों, मास्टरू अर कमचारियों थैं बधैं दींणु छौं। आप ळोग आण वळि पीढ़ी थैं तैयार करणा मा अपड़ु योगदान दिंणा छौं।