लोक निर्माण विभागाक चीफ क खिलाफ दर्ज ह्वै रिपोर्ट

देरादूण। लोक निर्माण विभागाक चीफ एजाज अहमद थैं बण्यें जाणा कु घपरोळ एकदा दुबरा छुंयीं मा ऐग्यें। ह्वै इन्नु च कि कैबिनेट मंत्री सतपाल महाराज क पीआरओ कृष्ण मोहन न डालनवाला थाणा मा एक रिपोर्ट लिखे अर ऐ मामलु थैं दुबरा ज्यूूंदू कै दे।

कृष्ण मोहन म तरफ बटि डालनवाला थाणा मा पीडब्ल्यूडी चीफ एजाज अहमद अर सतपाल महाराजा का उबर्या क का निजी सचिव आई पी सिंह क खिलाफ मामलु दर्ज कर्यें ग्यें।

बतै दियां कि अबि कुछ दिन पैळि एजाज अहमत थैं लोक निर्माण विभाग क चीफ क जिमेबरि दिये जाणा फर घपरोळ ह्वैग्यें छायीं। जैका बाद लोक निर्माण मंत्री सतपाल महाराजन बोलि छायीं कि उन्न एजाज अहमद थैं लोक निर्माण विभाग कु चीफ बण्यें जाणा कु क्वीं अनुमोदन नीं कायी। इतगा हि ना महाराजन बोलि छायीं कि एजाज अहमद थैं लोक निर्माण विभाग कु चीफ बण्यें जाणा क चिट्ठी मा जु दसकत छन उ ऊंका नीं छन। जैका बाद ऐ मामला मा शासन स्तर बटि जांच हूंणि च। जांच रिपोर्ट आणा से पैलि हि कैबिनेट मंत्री सतपाल महाराजक पीआरओ कृष्ण मोहन न डालनवाला थाणा मा ऐ मामला मा रिपोर्ट दर्ज कै दे। रिपोर्ट मा ब्वलें ग्यें कि बिना मंत्री क जाणकारि क एजाज अहमद थैं लोनिवि कु चीफ बण्यें ग्यें।ऐ मामला मा आई पी सिंह जु उबरि सतपाल महाराज क निजी सचिव छायीं, ऊं थैं भि नामजद कर्ये ग्यें।

ऐ मामलु मा द्वीय अरोपियों अधिकारियों क खिलाफ धारा 419, 467, 468, 471 और 120 बी क दगड़ सूचना प्रौद्योगिकी अधिनियम 2008 क धाराओं मा मुकदमा कर्यें ग्यें।