प्रधानमंत्री कु उत्तराखण्ड दौरा, मुख्यमंत्री न ल्यायी तय्यरि क बारा मा जाणकारी
देरादूण। मुख्यमंत्री धामी न 12 तारिख खूंणि प्रधानमंत्री क उत्तराखण्ड औंण पर आज पिथौरागढ़ म तय्यरि क बारा मा जाणकारी ल्यायी।
मुख्यमंत्री न नैनी सैनी ह्वै अड्डा मा जाज उतरणा कु बन्दबस्त अर औरि बन्दबस्त क बारा मा जाणकारी ल्यायी। यांका बात मुख्यमंत्री न एसएस वल्दिया स्पोटर्स स्टेडियम कु दौरा कायी अर मंच, साउण्ड, सुरक्षा , टैण्ट, पाणि , शौचालय कु बदबस्ता बारा मा बि जाणकारी ल्यायी। उन्न सबि अधिकारियों तैं सबि तय्यरियौं मा क्वीं गलती नीं हूंण चैंद यु बि निर्देश दीं।
मुख्यमंत्री धामी न बोलि बल प्रधानमंत्री कुु उत्तराखण्ड औंणु से देवभूमि कु विकास हौरि तेजी से अगनै बढ़ाळु अर प्रदेस मा धार्मिक पर्यटना क्षेत्र तैं एक नै पछ्याण मिललि।
ऐ मौका फर सैनिक कल्याण मंत्री गणेश जोशी, सांसद अजय टम्टा, जिला पंचायत अध्यक्ष दीपिका बोहरा, विधायक बिशन सिंह चुफाल, जिलाधिकारी रीना जोशी , मुख्य विकास अधिकारी वरुण चौधरी अर हौरि अधिकारी छायीं।