प्रदेस थैं प्रधानमंत्री आवास योजना-ग्रामीण मा 18602 घौर औरि बणाणा क मंजूरी मिलिग्यें

देरादूण। केन्द्र सरकारक प्रधानमंत्री आवास योजना-ग्रामीण मा उत्तराखण्ड थैं 18602 घौर औरि बणाणा क मंजूरी मिलि ग्यें।

मुख्यमंत्री धामीन या खूंणि प्रधानमंत्री अर केन्द्रीय ग्रामीण विकास मंत्री गिरिराज सिंह कु आभार बोलि।
मुख्यमंत्री न बोलि कि प्रधानमंत्री क दिख्यु वाटा फर उत्तराखण्ड आज विकासा क बड़ा बड़ा काम करणु च।
प्रदेस सरकार क पूरि कोसिस च कि विकास क योजनाओं पर काम कर्यें ज्यां अर प्रदेस मा दूर खडु मनखि तक विकास कु फैदा पौंच्ण चैंद।

बतै दियां कि मुख्यमंत्री धामीन प्रधानमंत्री आवास योजना ग्रामीण मा औरि घौर बणौंणा क मंजूरि देंणा क विनती प्रधानमंत्री से कै छायीं। धामी न अप्रैल 2022 मा चिट्ठी लेखि छायीं। केन्द्रा क प्रधानमंत्री आवास योजना ग्रामीण मा उत्तराखण्ड सरकार बगत से पैलि अपडु काम पूरू कै दे जै फर केन्द्र सरकारन प्रदेस सरकार थैं साबाशी दे अर 18602 घौर औरि बणौंणा खूंणि बोलि।