प्रदेस मा दवै बणौंण वळों क हर तरौं से मदत कारली सरकार: मुख्यमंत्री धामी

देरादूण। मुख्यमंत्री धामीन आज देरादूण मा खाद्य संरक्षा अर औषधि प्रशासन विभाग कु नै बणिं इमारत अर राज्य औषधि परीक्षण प्रयोगशाला कु लोकार्पण कायी।

ऐ मौका फर मुख्यमंत्री न औषधि परीक्षण प्रयोगशाला थैं भि देखि।

मुख्यमंत्री न बोलि क आज औषधि नियंत्रण संगठन अर राज्य औषधि परीक्षण प्रयोगशाला क विकास खूंणि 6.56 लाख करोड़ रुप्यौं खर्च कैकि एफडीए भवन अर 13.22 करोड़ रुप्यौं खर्च कैकि औषधि नमूनों क गुणवता जांच खूंणि राज्य औषधि परीक्षण प्रयोगशाला बण्यें ग्यायी।

मुख्यमंत्री न बोलि प्रदेस सरकार क कोसिस च कि राज्य मा दवै बणौंण अर ऐ तोक मा काम करणा वलौं थैं अगनै बढ़ौंण मा मदत देंण चैंद। उन्न बोलि बल ऐ दिसा मा बौत काम हूंणा छन। जै कारण सै हि प्रदेस मा दैव बणौंणा कु काम लगातार बढ़णु च। उन्न बोलि प्रदेस सरकार दवै बणौंण वळि कम्पनियों क सदनि मदत कारली।

ऐ मौका फर स्वास्थ्य मंत्री डॉ. धन सिंह रावत, कैबिनेट मंत्री सुबोध उनियाल, विधायक उमेश शर्मा काऊ, सचिव स्वास्थ्य डॉ. आर. राजेश कुमार मौजूद छायीं