पुलिस वला थैं बड़ा अफसरू क घमकौण से यूकेडी ठरठरो (नाराज)

देरादूण। यूकेडी न पुलिस वला क घमकायें जाणा पर अपड़ि टणाक (नाराजगी) जतै। यूकेडी मीडिया प्रभारी शिव प्रसाद सेमवाल न बोलि कि पुलिस वला थैं वैका हि बड़ा अधिकारियों घमकै। जैकि शकैत केंन्द्रीय गृहमंत्री पुलिस शिकैत प्राधिकरण अर मानवाधिकार आयोग मा भि करै ग्यायी। पर अबि तक पुलिस वला थैं न्याय नि मिळ। यूकेडी जब पुलिस वला थैं न्याय नि मिळि जालु तब तक चुप्प नि राली।

शिव प्रसाद सेमवालन बोलि कि दीपक उप्रेतील वरिष्ठ पुलिस अधीक्षक ऊधमसिंह नगर अर अपड़ा बड़ा अधिकारियों थैं अपड़ि शिकैत अर मेडिकल रिपोर्ट भेजिक बतै कि मि ऊधमसिंह नगर क पुलिस विभाग मा चतुर्थ श्रेणी कु कर्मचारी छौ अर खाणा बणाण (कुक) क काम करदू।

https://youtu.be/htnxHFBsQtw

दीपक उप्रेती ने बोलि कि ऊंकी घरवलि बिमार छायीं त उन्न छुट्टी मांगि। तब ऊथैं पैलि डीजीपी क घरवलि क घार मा जैकैकि खाणा बणाणा खूंणि ब्वलें ग्यायी। दीपक उप्रेती न बोलि कि साब पैलि मिन अपड़ि घरवलि थैं डाक्टर मा दिखाण तब ऐकैकि खाणा बण्यें द्यौलु यांका बाद प्रतिसार निरीक्षक वेद प्रकाश भट्ट, मुंशी अकरम, दीवान अर पुलिस अधिकारी न ऊथैं बौत मार्रि।

ईं बातक उप्रेतीन पुलिस अधीक्षक थैं 18 मई या शिकैत कायी लेकिन अबि तक कुईं कारवै नि ह्वै। अर दीपक उप्रेती क तनखा भि रोक्कि द्यायी। दीपक उप्रेती न बोलि कि ऊंकी हाजरि भि नि लग्यें जाणी च।

यूकेडी क जिला अध्यक्ष सुलोचना ईष्टवाल न बोलि कि केंन्द्रीय गृह मंत्री से लेकैकि राज्यपाल अर मुख्यमंत्री थैं भि बत्यें जालु अर जब तक कारवै नि हूंद हमरू आन्दोलन सर्या प्रेदस मा चलणु रालु।