पुलिस बन्दबस्त प्रदेसा कानून बन्दबस्त कु ऐना हूंद: मुख्यमंत्री धामी

देरादूण। मुख्यमंत्री पुष्कर सिंह धामीन आज सचिवालय मा 6 नै पुलिस थाणा अर 20 नै पुलिस चौकियौं कु वर्चुअल उद्घाटन कायी।

6 थाणौं मा 661 गौ अर 20 चैकियु मा 696 गौ शामिल छन।

ऐ मौका फर मुख्यमंत्री धामी न बोलि कि सुशासना ल जस कु बाटु मा अगनै बढ़णा खूंणि प्रदेस सरकार वचनबद्ध च। मुख्यमंत्री न बोलि कि पुलिस बन्दबस्त प्रदेस क कानून बन्दबस्त कु ऐना हूंद।

मुख्यमंत्री न बोलि कि विकासा अर बन्दबस्त मा बदळि क दगड़ जै तोक मा राजस्व पुलिसा जगा मा नियमित पुलिस क दरकार च वख नियमित पुलिस बन्दबस्त कर्यें जाणु च।

मुख्यमंत्री न बोलि कि पुलिसा अधिकारियौं तैं अपड़ु कामु क अलावा जनतै भलै क काम भि करण प्वाड़ळु अर 2025 तक उत्तराखण्ड तैं नाश मुक्ति राज्य, स्वच्छता अभियान अर सामाजिक सरोकारु कु काम भि उत्तराखण्ड पुलिस तैं करणु प्वाड़ळु।

ऐ मौका फर विधायक श्रीमती शैलारानी रावत, श्रीमती रेनू बिष्ट, सुरेश सिंह चौहान, अपर मुख्य सचिव श्रीमती राधा रतूड़ी, पुलिस महानिदेशक अशोक कुमार छायीं।