चोरि करणा क त्यारि करणा 11 चोरु तैं पुलिसन पकड़ि

देरादूण। चोरि करणा क त्यारि करणा 11 चोरु तैं पुलिस न पकड़ि याली, उमा बटि 38 हजार रुप्या, मोबैल अर हत्यार मिलिन। पुलिसन सब्यौं फर मुकदमा दर्ज कैकि न्यायालय मा पेश कायी जख बटि ऊथैं जेल भेज्यें ग्यायी।

या जाणकारि पुलिस उपमहानिरीक्षक / वरिष्ठ पुलिस अधीक्षक दलीप सिंह कुंवर न बतै कि 11 जुलै 2023 खूंणि नेहरु कलौनी थाणा अर एसओजी तैं या खबर मिलि कि मोथरावाला सीवर प्लाट क नजीक 10 से 12 ळोग चोरि करणा क योजना बणौंणा छन अर जौ मा हत्यार बि छन।

खबर मिलण फर थाणाध्यक्ष नेहरु कालोनी न सीवर प्लाट क नजीक नै बणणु मकान मा बैठ्यां ळोगु तैं घेरिक पकड़ि। पुलिस क पुच्छण फर उन्न अपड़ा नौ संजय नौनु गोली, सोनू नौनु बरसाती, अविनाश कुमार नौनु शिवनाथ, श्रवण कुमार नौनु आशाराम, अमन कुमार नौनु नीरज, लवकुश नौनु अंगद, रणजीत नौनु यज्ञ राम, त्रिलोकी नौनु नारायण, धर्मेन्द्र नौनु राजकुमार, रामपाल नौनु राजेन्द्र अर मनीष नौनु जसराम सबि गोंडा उत्तर प्रदेश क रैवासी छन। उमा द्वी छर्रा वलि बन्दुक, द्वी खुकरी, 28 मौबैल अर 38810 रुप्या छायीं। उन्न बतै कि यीं मोबैल अर रुप्यां उन्न हरद्वार बटि लुटयां छन। उन्न बतै आज दीपनगर का चोरि करणा खूंणि यखम जमा हूयां छायीं। उन्न बतै कि सबि गोंडा उत्तर प्रदेसा रैंण वला छन अर चोरी करणा क हि काम करदन। उन्न बतै उन्न द्वी कमरा दीपनगर मा किराया मा लियां छायीं अर देरादूण मा चोरी कैकि गोंडा भगणा कु इरादा छायीं।