पेपर लीक मामला मा हाकम सिंह क बाद अब उत्तराखण्ड अर यूपी क औरि मनखि भि छन पुलिसक निसाणा पर

उत्तराखण्ड अधीनस्थ सेवा चयन आयोग पेपर लीक मामला मा अबि तक 18 मनखियों थैं पुलिस पकड़ियाली। हाकम सिंहक गिरफ्तारी क बाद अब उत्तरकाशी बटि कै नाम औरि समणि आणा छन। जैमा एक विधायका कु भै भि कु नौ समणि आणु च। विधायाक कु भै क नौ आण से ऐ मामला मा घमाचुर मच्यूं ग्यें।

बतै जाणु च यूकेएसएसएससी भर्ती परीक्षा मा विधायका क भै क छः पछ्याण वलों न इम्तयान दे अर पास ह्वैग्यीं। सबि पास हूंया अब एसटीएफा क निशाणा पर छन।

बतै जाणु च हाकमा का थाईलैण्ड मा होटल भि छन। जांच मा या बात भि पता चलि कि हाकम सिंह पांच बारी थाईलैण्ड ग्यें छायीं। हाकम सिंहन 55 से 60 अभ्यर्थियों थैं धामपुर मा इम्तयान मा कु सवाल आणा छन अर वाका उत्तर बतै छायीं। याका बदला मा हाकमा न एक-एक बटि 12 से 115 लाख रुप्या ल्यंे छायीं।

एसटीएफा का एसएसपी अजय सिंह न बोलि बल हाकम सिंह क पछ्याण वला उत्तराखण्ड अर यूपी के कुछ औरि सफेदपोशु क पेपर लीक मामला मा मिल्यां हूंणा जाणकारी समणि आणि च। सबूत मिलण पर ऊंथैं बि पकड़े जालु। एसएसपी न बतै बल हाकम सिंह कु सर्या लेनदेन क मामला थैं उत्तरकाशी कु राजकीय इंटर कॉलेज मा नौकरि करण वलु मास्टर तनुज शर्मा करदु छायीं।