पंडित गोविन्द पंत जी न अपड़ि सर्यां जिन्दगि समाज सेवा खूंणि लग्यें : मुख्यमंत्री
मुख्यमंत्री पुष्कर सिंह धामीन आज देरादूण आईआरडीटी सभागार मा भारत रत्न पं. गोविन्द बल्लभ पंत क जयंती पर उर्र्यू कार्यक्रम मा भाग लयें। मुख्यमंत्री स्व. गोविन्द पंत थैं श्रद्धांजलि दे अर बोलि वु महान स्वतंत्रता संग्राम सेनानी अर समाज सेवी अर कुशल प्रशासक छायी।
मुख्यमंत्री धामी न बोलि पंत जी न अपड़ि सर्यां जिन्दगि समाज सेवा खूंणि लग्यें दे। उन्न हिन्दी थैं राजभाषा कु दर्जा दिलौंणा मा बौत बडु भूमिका निभै। उन्न बोलि हमथैं इन्ना महान सपूतों से प्रेरणा लेकैकि अगनै बढ़ण चैंद।
मुख्यमंत्री न पंडित गोविन्द पंत थैं समळौण कैकि बोलि उत्तर प्रदेसक पैलु मुख्यमंत्री अर देस क गृहमंत्री क पद मा रैकि उन्न बौत बड़ा-बड़ा काम करिन। ऊंथैं पाड़ से बौत लग्यार (लगाव) छायीं।
ऐ मौका फर पैल्यक मुख्यमंत्री अर हरिद्वार सांसद डॉ. रमेश पोखरियाल निशंक, विधायक खजान दास, पद्मश्री कल्याण सिंह रावत, श्रीमती दीप्ति रावत भारद्वाज, राकेश डोभाल मौजूद छायीं।