जूना मैना तक ह्वे सकदन प्रदेसम पंचैत चुना

उत्तराखण्डम पंचैत चुनौ तैं लेकैकि एकदा फिर खुसुर-फुसुर सुरु ह्येग्यायी। खबर आणि च कि औंण वला एक-द्वि मैना भितर प्रदेसम पंचैत चुना कर्ये जाला।
प्रदेसम अबि प्रशासक छन अर ऊंकु कार्यकाल जून मा खतम हूंण च।

इन्न मा जूठ मैना से पैलि प्रदेसम पंचैत चुना करौंणा जरुरी छन। अर या बात साफ चकि त्रिस्तरीय पंचैत चुनौम प्रशसकु कु कार्यकाल हौरि अगने नीं बढ़ये जालु।

बतै दियां प्रदेसम 7832 ग्राम पंचैत अर 3162 क्षेत्र, अर 385 जिला पंचैत छन। जौंकु कार्यकाल खतम हूंणा बाद ग्राम पंचैत, क्षेत्र पंचैत प्रमुख अर जिला पंचैत अध्यक्षा पद पर प्रशासक छन।
छै मैना खुणि प्रशासक बण्यां पंचैत अध्यक्षौं कु कार्यकाल 1 जून अर ग्राम प्रधानु कु कार्यकाल 10 जून खुणि खतम हूंण च।
पंचैत कु परिसीमना बाद चुनौ का वास्ता आरक्षण अर हौरि सबि त्यरि पूरि ह्वेग्येन बस जल्दी हि चुनौ की अधिसूचना जारी करे जै सकदि।