पकड़े ग्यायी देरादूण मा लग्यूं बाघ

देरादूण। देरादूण मा लग्यूं बाघ तैं वन विभाग टोलि न मसूरी वन प्रभागा किमाड़ी गौं मा पकड़ि याली। बाघ अबि तक द्वी बच्चों तैं मारिकि खै ग्ये छायी। सर्या देरादूणा मा बाघ की डैर छायी। जन्नि बाघ पकड़न खबर देरादूण रैवासी अर वन विभागा अधिकारियों तैं मिलि उन्नि ऊंका जिकुडि मा छपछपि प्वोडिग्ये।

देरादूण मा बढ़दे जाणा बाघ कु हमला तैं देखिकि मुख्यमंत्री धामीन वन विभाग तैं झट से झट बाघ पकड़णा न सखत निर्देश दियां छायी।

अबि द्वी मैना पैलि सिगली गौं बिटि बाघन घारक चौक बिटि चार साला नौना तैं उठै कि मारि दे छायीं। यांका बाद बाघन सोंधो वाली रिस्पना मा एक नौना पर हमला कैकि वैंथै घैल कै दे छायीं। यांका बाद अबि गलजवाड़ी गौं मा 9 साल बच्चा तैं हमला कैकि मारि दे छायीं। जै कारण से क्षेत्रा लोग बाघा डौर मा रैंणा खूणि मजबूर छायी। वन विभाग तरफा बिटि बाघ तैं लगातार पकड़णा कोसिस करै जाणि छायीं। मसूरी वन प्रभाग मा रेंजर राकेश नेगी न बतै कि बाघ किमाड़ी गौं मा लग्यां पिजरा मा फंसे ग्यायी।