बेरोजगार संघ क आंदोलन मा भैर क ळोग ऐग्यें छायी : एसएसपी
देरादूण। बेरोजगार संघा क आंदोलन मा भैर क अर असामाजिक ळोग ऐग्यें छायीं, जौ थैं हमन पछ्याण याली, उ फर कारवै कर्यें जाळु या बात देरादूणक एसएसपी न बोलि।
देरादूणा एसएसपी न बोलि कि आज देराूदण क गांधी पार्क क भैर बेरोजगार संघा क ब्वन पर सर्या प्रदेसा क ज्वान बेरोजगार जमा ह्वै कि आन्दोलन करण छायीं। उन्न बोलि कि आन्दोलन कु माहौल खराब करणा खूंणि कुछ भैर क ळोग, आन्दोलन मा ऐग्यीं। जौन पैळि घंटाघर अर यांका बाद गांधी पार्क मा पुळिस फर डुंगा चुटांण सुरु कै दी।
जैमा कतगै पुलिस अधिकारी घलै ह्वैग्यीं अर कतगौं पर चोट लगिग्यें। यांका बाद पुलिस तैं लाठु चलौंण प्वाड़ि। उन्न बोलि हम मा सर्या वीडिया च, हमन सब्यौं क पछ्याण कै याली अर अगनै की कारवै कर्यें जाली।