पाड़ क 11 जनपदु मा पूरू तरौं ह्वैळी जैविक खेती-पाति: मुख्यमंत्री धामी

देरादूण। मुख्यमंत्री धामीन बोळि केन्द्र अर राज्य सरकाराक उत्तराखण्ड तैं ‘जैविक राज्य’ क पछ्याण दिंणा खूंणि पहल कर्यें जाणि च।

मुख्यमंत्री न सोमबार खूंणि माळसी देरादूणा क एक होटळ मा उत्तराखण्ड जैविक उत्पाद परिषद क उर्यूं कार्यशाळा मा भाग ल्यें।

मुख्यमंत्रीन उन्न बोलि कि प्रदेस तैं जैविक खेती-पाति क तोक मा विदेसु मा पछ्याण दिळौंणा खूंणि इंटरनेशनल फेडरेशन आॅफ आॅर्गेनिक एग्रीकल्चर मूवमेंट जनि अंतर्राष्ट्रीय संस्था क मदतन आर्गेनिक कार्यशाळा’ समृद्ध उत्तराखण्ड बणौंण क कोसिस तैं पूरू करणा मा बौत अच्छु जरिया बणळु।

केन्द्र अर राज्य सरकारन उत्तराखण्ड तैं जैविक राज्य क पछ्याण दिळौंणा खूंणि बौत अच्छी कोसिस कायी।

मुख्यमंत्री न बोलि कि प्रदेस सरकार उत्तराखण्डा कु विकास क दगड़ा दगड़ि जिमदारु क विकास खूंणि सदनि त्यार च अर कोसिस मा लगि च। जै कारण पिछळ साळु मा प्रदेस न जैविक खेती-पाति क तोक मा नै ऊंचें तैं छुयाळी।
उत्तराखण्डा कु 34 प्रतिशत भाग मा जैविक खेती कर्यें जाणि च अर ऐ थैं बढ़ौंणा खूंणि लगातार कोसिस हूंणि च।

राज्य सरकार न 11 पाड़ क जनपदु थैं पूरू तरौं जैविक खेती पाति मा बदळि करणा क कोसिस करणि च। उन्न बोलि कि हमन 2025 तक उत्तराखण्ड तैं हर तोक मा देस कु पैळु राज्य बणौंणा कि सौं लियीं च।

प्रदेस क जिमदार तैं आर्थिक रुप से कटकुट बणौंणा क कोसिस लगातार हूंणि च।