भोले जी महाराज कु जनमबार फर हंस फाउण्डेशन न उत्तराखण्ड तैं द्यायी हाईटेक माडॅन डॉइलेसिस सेंटर भेंट

देरादूण। हंस फाउण्डेशन क संस्थापक भोले जी महाराज क जनमबार फर भोले जी महाराजन उत्तराखण्डा तैं हाईटेक माडॅन डॉइलेसिस सेंटर भेंट द्यायी। हंस फाउण्डेशन क संस्थापक भोले जी महाराज कु 70 वु जनमबार देरादूणा एक होटल मा मन्यें ग्यें।

भोले जी महाराज कु जनमबार कार्यक्रम मा लोकसभा स्पीकर ओम बिरला देरादूण पौंछयां छायीं। लोकसभा स्पीकर ओम बिराला न भोले जी महाराज तैं ऊंका जनमबार पर बधै दै अर हंस फाउण्डेशना क उत्तराखण्डा तैं भेंट हाईटेक माडॅन डॉइलेसिस सेंटर कु वर्चुअल उद्घाटन ऑनलैन कायी।

भोले जी महाराज क जनमबार फर प्रदेसा राज्यपाल गुरुमीत सिंह, मुख्यमंत्री पुष्कर सिंह धामी, विधानसभा अध्यक्ष ऋतु खण्डूडी, पैल्यक मुख्यमंत्री हरीश रावत, त्रिवेन्द्र सिंह रावत अर औरि बड़ा-बड़ा लोग छायीं, सब्यौं न भोले जी महाराज तैं जनमबारा बधै द्यायी।

ऐ मौका फर हंस फाउण्डेशन उत्तराखण्ड प्रभारी विकास वर्मा न बतै कि हरद्वारा रोड मा हाईटेक डायलिसिस सेंटर मा पैलि 4 खटुला (बेड) छायीं जौ तैं बढ़ैकि अब 10 खटुलौं कु हाईटेक मॉर्डन कर्यें ग्यें।

बतै दियां कि हसं फाण्डेशन उत्तराखण्ड हि ना सर्या देस मा शिक्षा अर स्वास्थ्य तोक मा समाज सेवा मा लग्यूं च।

भोले जी तैं बधै देंण वलों मा भाजपा सरकार मंत्री, विधायक, भाजपा प्रदेस अध्यक्ष अर बौत सर्या समाज सेवी छायीं।