विकासा नै गाथा ल्यखणि च प्रदेस सरकार : सतपाल महाराज

हरद्वार। प्रधानमंत्री कु बत्यां बाटा अर मुख्यमंत्री पुष्कर सिंह धामी क दगड़ उत्तराखण्ड राज्य हिमालयी संकल्प क दगड़ मा विकासा नै गाथा लिखणु च। भारतीय जनता पार्टी राज्य आन्दोलकारियों कु सुपिनौं तैं पूरु करणि च अर खळाखळ अगनै बढ़णि च। या बात प्रदेसा लोक निर्माण, पर्यटन, पंचायतीराज, ग्रामीण निर्माण, सिंचाई, जलागम, धर्मस्व अर संस्कृति मंत्री सतपाल जी महाराज रुड़की मा भाजपा कार्यजिला समिति कु उर्यूं कार्यक्रम मा भाजपा कार्यकर्तौं अर पदाधिकारियौं तैं बोलि।

महाराजन बोलि कि नकल रवक्णा खूंणि नकल विरोधी कानून तैं राज्यपालन मंजूरि दे याली। ब्यटुळौं तैं आरक्षण कु बन्दबस्त, धर्म बदलि करण पर सखत कानून बण्यें ग्यें।

महाराजन बोलि कि केन्द्रीय सरकार क मदत से प्रदेस मा 12 हजार करोड़ रुप्यौंक चारधाम आॅल वेदर रोड, बण्यें जाणि च अर 16 हजार 216 करोड़ रुप्यौं क ऋषिकेश-कर्णप्रयाग रेल परियोजना पर काम चलणु च।

महाराजन बोलि कि म्यारु विचार च कि हरद्वार मा इंटरनेशनल एयरपोर्ट बणण चैंद, जै खूंणि कोसिस हूंणि च।

महाराजन बतै कि देरादूण बटि दिल्ली तक 12 हजार तीन सौ करोड़ रुप्यौं क ऐलीवेटेड रोड फर काम चलणु च। उन्न बोलि ऐलीवेटड रोड बणणा क बाद दिल्ली बटि देरादूण पौंचण मा द्वी घण्टा लगळा।

देरादूण मा नियो रेला क त्यारि कर्ये जाणि च। प्रदेसा जनपदु मा सहस्त्रधारा, चिन्यालीसौड, गौचर, हल्द्वानी, नैनीताल, अल्मोड़ा, नै टिहरी, श्रीनगर, मसूरी, जोशीमठ, धारचूला, हरद्वार अर रामनगर मा हैलीपोर्ट बण्यें जाणा छन।

जमरानी बांध जै कि लागत 2584 करोड़ रुप्या च, तैं बणौंणा मंजूरी मिळिग्यें।

नमामि गंगे क जरिया 21 नै सीवरेज ट्रीटमेंट प्लांट बणौंणा क अलावा 06 एस.टी.पी. अपग्रेडेशन कु काम पूरू कर्यें ग्यें। गंगा मा जाण वळा 128 गन्दु नाळौं तैं बन्द कर्यें ग्यें।

ऐ मौका फर रुड़की भाजपा क प्रदेश महामंत्री खिलेन्द्र चैधरी, जिला प्रभारी आदित्य चैहान, जिला अध्यक्ष शोभाराम प्रजापति, जिला महामन्त्री प्रवीन सिन्धु, अरविन्द गौतम, रुड़की विधायक प्रदीप बत्रा, जिला पंचायत अध्यक्ष किरण चैधरी, पैल्यक विधायक कुँवर प्रणव सिंह, रानी देवलता, राजपाल अर दिनेश पवार क दगड़ मा भाजपा कार्यकर्ता वखम छायीं।