साहसिक खेलुम नयार घाटी खास पछ्याण बणाणि च
मुख्यमंत्री धामी न आज नयार घाटी कौथिगा सुरुआत कायी। ऐ मौका पर मुख्यमंत्रीन गंगा आरतिम भाग ल्यायी। मुख्यमंत्री न एडवेंचर स्पोर्ट्स तैं बि हारू झण्डा दिखै। नयार घाटिम साहसिक खेलु तैं बढ़ावा मिलणु च अर नयार घाटी अपणि खास पछ्याण बणाणि च।
मुख्यमंत्री धामीन बोलि कि नयार घाटी कु विकास अर यख पर्यटन तैं विकसित करणा खुणि सरकार कोसिस करणि च। मुख्यमंत्री धामीन बोलि कि द्यपराग (देवप्रयाग) म रोज ब्यखुनी दा गंगा आरती करै जाली।
मुख्यमंत्रीन या घोषणा बि कायी कि सतपुली ब्यास घाट अर बुआखाल द्यपराग मोटर मार्ग तैं नेशनल हाईवे बणै जालु। मुख्यमंत्री न क्षेत्रम एक डिग्री कॉलेज ख्वलणा की बि घोषणा कायी।
मुख्यमंत्रीन बोलि कि सिंगटाली पुळ बणौंणा खुणि सबि कारवै पूरि ह्वेग्येन अब जल्दी पुळ बणौंणा कु काम सुरू ह्वे जालु।
नयार घाटी कौथिग म फिश एंगलिंग, राफ्टिंग, क्याकिंग, टेªकिंग हॉट एयर बैलून अर गंगा आरती तैं सामिल करे ग्यायी।