‘राष्ट्रीय कला उत्सव प्रतियोगिता’, ढोळ बजौंणा मा कालसी क अंजू थैं मिळि पैळु स्थान

देरादूण। कला उत्सव प्रतियोगिता 2021-22 मा उत्तराखण्ड क अंजू न देस मा पैळु स्थान पायी। अंजू बाळिका इण्टर कॉलेज हरिपुर कालसी, देरादूण मा कक्षा 10 क छात्रा च। अंजू न पारम्परिक लोक वाद्य यंत्र कला मा ढोळ बजैं कि पैळि जगा हासिळ कायी।

अंजू न हारूळ जैता, नाटी अर रासो धुन मा ढोळ क प्रस्तुति द्यायी। ढोळ बजौंण मा अंजू दगड़ दमाऊ पर साधना अर रण सिंधा पर रिंकी न ऊंकू दगडु कायी।

राष्ट्रीय स्तर पर कळा उत्सव प्रतियोगिता क रिजळट 18 जनवरी खूंणि भारत सरकार ळ वर्चुवळ माध्यम से जारी कायी। भारत सरकारळ लोक कळा थैं बचाण अर ऊंकू विकास करणा खूंणि माध्यमिक विद्याळयों मा कक्षा 9 बटि 12 तकाक छात्रुक कळाओं कि विद्यालय, जनपद, राज्य अर राष्ट्रीय स्तर पर एक प्रतियोगिता कायी।

ऐसु का साळ भारत सरकार ळ यू कार्यक्रम 01 जनवरी बटि 12 जनवरी तक वर्चुअळ माध्यम से उर्यां। राष्ट्रीय स्तर क कळा प्रतियोगिता कु रिजळट 18 जनवरी वर्चुअळ माध्यम से ऐ। जैमा रा. बाळिका इण्टर कॉळेज हरिपुर कालसी देरादूण क कक्षा 10 मा पढ़ण वळि अंजू न राष्ट्रीय स्तर पर पारम्परिक ळोकवादन मा पैळु स्थान प्राप्त कायी।

अंजू क पैळु स्थान पर आण से राज्य परियोजना निदेशक बंशीधर तिवारी अर अपर राज्यपरियोजना निदेशक डॉ. मुकुळ सतीळ अंजू अर अंजू का गुरूजनों क दगड़ा दगड़ सर्या स्कूळ थैं बौत-बौत बधै द्यायी अर अंजू क उज्ज्वळ भविष्य ऊथैं शुभकामना द्यायी।