जेपी नड्डा क नै टोळा (टीम) सांसद नरेश बंसल सामिल

देरादूण। भाजपा लोकसभा चुनौं क त्यारि मा लगिग्यें। भाजपा न राष्ट्रीय अध्यक्ष न आज अपणा नै टोळा (दल) क घोषणा कै याली। जेपी नड्डा न उत्तराखण्डा राज्य सभा सांसद नरेश बंसल तैं अपणा टोळा मा सह कोषाध्यक्ष बणंे।

भाजपा क यीं राष्ट्रीय टोळा क घोषणा दिल्ली मा भाजपा क राष्ट्रीय अध्यक्ष जेपी नड्डा न कायी। नड्डा नै टोळा मा कुल मिलैकि 13 ळोगु तैं राष्ट्रीय उपाध्यक्ष, 8 ळोगु तैं राष्ट्रीय महामंत्री, एक महामंत्री संगठन , एक सह महामंत्री संगठन, 13 तैं राष्ट्रीय सचिव, राजेश अग्रवाल तैं राष्ट्रीय कोषाध्यक्ष अर सांसद नरेश बंसल तैं सह कोषाध्यक्ष बण्यें ग्यें।
नरेश बंसल तैं सह कोषाध्यक्ष बणयें जाणा फर प्रदेस भाजपा संगठन क पदाधिकारियौं न ऊंकु स्वागत कायी अर ऊथैं बधै दे।

मुख्यमंत्री धामी न बि नरेश बंसल तैं सह कोषाध्यक्ष बण्यें जाणा फर खुसी जतै अर ऊतैं बधै दे।