नैनीताल हाई कोर्टळ हट्टै द्यायी चारधाम जातरा पर लग्यीं रोक

नैनीताल हाईकोर्टळ आज चारधाम जातरा पर लग्यीं रोक थैं हट्टै द्यायी। कोरोना संकट थैं देखिक कोर्ट क तरफ बटि चारधाम जातरा मा जाणा वळा जात्रियों खूंणि कुछ नियम अर शरत बण्यें ग्यीं।

आज सुनवायें मा मुख्य न्यायाधीश क खंडपीठ न कुछ शरत लग्येकि जातरा खूंणि मंजूरी दे द्यायी। कोर्टन एक दिनमा केदारनाथ धाम मा 800, बदरीनाथ धाम मा 1200, गंगोत्री धाम मा 600 अर यमनोत्री धाम मा 40 यात्रियों थैं दर्शन करणा क अनुमति द्यायी।

कोर्टन ब्वाळ कि जातरा मा आणा वळा जात्रियों थैं कोरोना टेस्टक नेगेटिव रिपोर्ट, नथर द्वी टीका लग्यां कू प्रमाण अफ्फु दंगड मा ल्याण जरूरी च।

हाईकोर्टळ चमोली, रूदप्रयाग अर उत्तरकाशी क जिला अधिकारियों थैं चारधाम जातरा क बगद पुलिस थैं तैनात करणा क आदेश दे दीं। कोर्टळ जात्रियों क कुण्ड मा न्येड पर भि रोक लग्यें द्यायी।

चारधाम जात्रा सुरू हूंणि पर तीर्थ पुरोहित न ब्वाळ हमथैं बौत खुशी हूंणि च। उन्न मुख्यमंत्री धामी खूंणि धन्यवाद भि द्यायी।

बते दियां कि कोविड-19 के कारण से ऐसु क साळ चारधाम जात्रा सुरू हूंण से पैळि हि रूक्यें ग्यायी छायीं।