मेरा बूथ सबसे मजबूत उर्यूं कार्यक्रमा मुख्यमंत्री न ल्यायी भाग

देरादूण। मेरा बूथ सबसे मजबूत सर्या देस मा भाजपा क कार्यक्रम उर्यें जाणा छन। आज देरादूण सर्वे चौक आडिटोरियम मा मेरा बूथ सबसे मजबूत उर्यूं कार्यक्रम मा मुख्यमंत्री धामी अर भाजपा क नेतौं न भाग ल्यायी।
ऐ मौका फर प्रधानमंत्री मोदी न सर्या देसा बूथ कार्यकर्ताऔं तैं अपिड़ बात बोलि अर सवालु क जवाब बि दे।

ये कार्यक्रमा मा उत्तराखण्ड बटि चमोली मा रैंण वलि व्यटुळ बूध कार्यकर्ता हिमानी वैष्णवी न प्रधानमंत्री क दगड़ बात कायीं अर ऊंका सवाळु क जवाब दे।

ऐ मौका फर मुख्यमंत्री न बोलि कि प्रधानमंत्री न अपड़ि बात मा संतुष्टि क बात बोलि। मुख्यमंत्री न बोलि कि पिछल 9 साल बटि सरकार संतुष्टि क भाव से काम करणि च। वखि भाजपा प्रदेस अध्यक्ष महेन्द्र भट्ट न बोलि बल प्रधानमंत्री क ब्वन से कार्यकर्ताऔं मा एक नै अलग उमंग अर तरंग च अब कार्यकर्ता खळाखळ महाजनसम्पर्क अभियान मा घौर-घौर जै कि सरकरि योजनौं क बारा मा बतौंणा क काम कारळा।