मसूरी मा शहीद राज्य आन्दोळनकारियों थैं मुख्यमंत्री न दे श्रद्धांजळि

मुख्यमंत्री पुष्कर सिंह धामीन आज मसूरी मा शहीद स्मारक मा फुळ चढ़ै की शहीद राज्य आन्दोळनकारियों थैं श्रद्धांजळि दे।

ऐ मौका फर मुख्यमंत्री न शहीदु क कुटम्दरि थैं भि सम्मानित कायी।

मुख्यमंत्री न बोलि राज्य आन्दोळनकारियों क बलिदानन क कारण हि हमथैं उत्तराखण्ड राज्य मिल्यूं च। मुख्यमंत्री न बोलि उत्तराखण्ड थैं देस मा सब्यां राज्यु मा अगनै रैंणु वळा राज्य बणौंणा खूंणि 10 साळ अगनै क योजना तयार कर्ये ग्यें।

मुख्यमंत्री न बोलि मसूरी मा गढ़वाल सभा कु इमारत बणौंणा खूंणि 1.50 करोड़ रुप्यां मंजूर कैरि याली अर जादा पैस्योंक दरकार ह्वैळी त दियें जाला। उन्न बोलि फिलम क जरिया राज्य आन्दोलनकारियों क बारा मा बतौंणा कु बन्दोबस्त कर्यें जालु। जै से राज्य क ज्वानु थैं राज्य आन्दोलनकारियों क वीरगाथाओं थैं दिख्यें जै सक्यां। मुख्यमंत्री न बोलि बल उत्तराखण्ड राज्य आन्दोलन मा हमरि ब्वे अर बणियों न बौत बडु़ सहयोग कायी।

मुख्यमंत्री न बोलि राज्य क ब्यटूलों खूंणि 30 प्रतिशत क्षैतिज आरक्षण क पूरि कोसिस कर्यें जाली। ऐ बारा मा सरकार कोर्ट जाणा कि तयारि करणि च। उन्न बोलि बल राज्य आन्दोलनकारियों खूंणि क्षैतिज आरक्षण क बारा मा भि हल निकलें जालु।

ऐ मौका फर कैबिनेट मंत्री गणेश जोशी, पैल्यक विधायक जोत सिंह गुलसोला, काशी सिंह ऐरी, मसूरी नगर पालिका क अध्यक्ष अनुज गुप्ता अर राज्य आन्दोलनकारी मौजूद छायीं।