मुख्यमंत्री पुष्कर सिंह धामीन भगत सिंह कोश्यारी से कायी भेट

देरादूण। प्रदेस क मुख्यमंत्री धामी अजकाल दिल्ली दौरा फर छन। दिल्ली मा धामी न आज महाराष्ट्रक राज्यपाल भगत सिंह कोश्यारी क दगड़ मा भेट कायी। द्वियों क बीच मा 2 घन्टा तक छ्वीं बत्था ह्वीं। राज्य मा सियासी घपरोल मच्यूं च इन्न मा भगत सिंह कोश्यारी अर धामी क ईं भेट थैं लैकेकि प्रदेस मा चौछ्ड़ि छ्वीं बत्था हूंणि छन अर राजनीतिक जणगुरू अपड़ा-अपड़ा तरौं से द्वियों क बीच मा ह्वीं ईं भेट क मतलब निकलणा छन।

बतै दियां कि प्रदेस मा अजकाल मंत्रीमण्डल मा उथल पुथल क चर्चा खूब हूंणि च। इन्न मा भगत सिंह कोश्यारी अर धामी क या भेट बौत खास च। धामीन ब्याली भाजपा के राष्ट्रीय अध्यक्ष जेपी नड्डा क दगड़ मा भेट कै छायीं।

बतै जाणु च नवरात्रों क बाद धामी मंत्रिमण्डल मा फेर बदल ह्वै सकदन अर जैमा कुछ नै ळोग ह्वै सकदन। धामी मंत्रीमण्डल मा अबि 9 मंत्री छन अर जौ कि संख्या मुख्यमंत्री थैं मिल्यें कि 12 ह्वै सकदन। उन्न मा धामी अपडु मंत्रीमण्डल मंत्रियों क संख्या थैं बण्यें सकदन।

इन्न मा समझें जाणु च बल धामी अर भगत सिंह कोश्यारी क बीच मा मंत्रीमण्डल थैं लेकैकि कुछ खास छ्वीं ह्वीं अर भगत सिंह कोश्यारी न धामी थैं कुछ सलाह दे।