मुख्यमंत्री पौंचि अंकिता क घौर, ब्वाल अंकिता क कतल करण वलों थैं सकत से सकत सजा मिललि

मुख्यमंत्री धामीन आज पौड़ी डोभ श्रीकोट मा अंकिता भण्डारी क कुटमदरि से भेट कायी। ऐ मौका फर मुख्यमंत्रीन अंकिता क कुटमदरि थैं हर तरौं क मदत कु भरोसु दे अर बोलि कि ऐ मामला मा हम फास्ट टैªक कोर्ट मा सुन्णें कैरेकि आरोपि थैं सकत सजा दिल्यें जाली।
मुख्यमंत्री न अंकिता क बुबा जी थैं 25 लाख रुप्यौं कु चेक भि दे।

मुख्यमंत्री न बोलि बल ऐ मामला क जांच एसआईटी करणि च अर तिन्या मुलजिम थैं पुलिसन पकड़ि याली। उन्न बोलि कि जांच मा जै पर जरा भि शक ह्वाळु वै फर भि कारवै कर्यें जाली।
ऐ मौका फर कैबिनेट मंत्री डॉ. धन सिंह रावत, जिलाधिकारी डॉ. विजय कुमाद जोगदंडे मुख्यमंत्री क दगड़ मा छायीं।