मुख्यमंत्री न बदरीनाथ क रैवासियों से मांगि आशीर्वाद

देरादूण। चुनाव आयोग क चुनौं रैळियों पर रोक क्या लग्यें कि राजनैतिक दल्ळुन डिजीटळ प्लेट फार्म थैं अपड़ु प्रचार करणा कु माध्यम बण्यें द्यायी।

आज मुख्यमंत्री पुष्कर सिंह धामी न अपड़ि पैळि वर्चुअल जनसभा कायी। ईं जनसभा मा मुख्यमंत्री न बदरीनाथ क रैवासियों से 2022 मा जीत कु आशीर्वाद मांगि।

मुख्यमंत्री धामी न ब्वाळ कि पिछळा सात 7 सालु मा प्रधानमंत्री अर उत्तराखंड क सरकार न जू विकास क काम प्रदेस मा करिं, जू काम प्रदेस मा पिच्छळ पाचास साळ बटि नि ह्वै।

उन्न ब्वाळ कि प्रदेस मा सड़क्यिों अर रेल से लैकैकि हव्वै सेवाओं मा जु काम ह्वै, वै से प्रदेस क क विकास थैं नै दिसा मिळळि।

उन्न अपणि सरकार थैं जनता क विश्वास वळि सरकार बतै। अर ब्वाळ कि देवस्थानम बोर्ड कु फैसला वापस लिंणु यांकी एक मिसाळ च। उन्न ब्वाळ कि हमन प्रदेस मनखियों अर तीर्थ पुरोहितों क जन भावना थैं ध्यान मा धेरिक देवस्थानम बोर्ड कु फैसळा वापिस ल्यायीं। उन्न ब्वाळ कि भाजपा सब्यों कु विकास अर सब्यों कु विसवास क सोच पर काम करद। उन्न ब्वाळ कि यू चुनाैं अळग तैरौं का चुनाैं च। उन्न ब्वाळ कि ऐ चुनौं मा प्रचार क दगड़ा-दगड़ि हमथैं प्रदेस क रैवासियों शरैळ कु भि ध्यान रखण।

मुख्यमंत्री न ब्वाळ कि हम रोजना तीन से चार वर्चुवळी जनसभाएं करळा। उन्न ब्वाळ हममा डिजिटल प्रचार माध्यम क सुविधा बौत अच्छी च। उन्न बदरीनाथ क रैवासियों से 2022 मा भाजपा थैं जिताणा क अपीळ कायी।