मुख्यमंत्री धामीन दशनामी छड़ी जातरा थैं कायी सुरु

हरद्वार। दशनामी छड़ी थैं आज मुख्यमंत्री पुष्कर सिंह धामीन माया देवी मंदिर मा पूजा क बाद चारधाम अर उत्तराखण्ड क मठ मंदिरु क जातरा खूंणि फट्यायी।

दशनामी छड़ी क पूजा क बगत मा जूना अखाड़ा क संरक्षक महंत हरी गिरि अर अखिल भारतीय अखाड़ा परिषद क महामंत्री अर अखिल भारतीय अखाड़ा परिषद क अध्यक्ष महंत रवींद्र पुरी भि पूजा मा छायीं।

दशनामी छड़ी जातरा हरद्वार बटि सुरू ह्वै कि यमुनोत्री, गंगोत्री, केदारनाथ, बदरीनाथ , तुंगनाथ अर औरि तीर्थ जातरा मा 40 दिन बाद वापिस हरद्वार पौंचळि।

बतै दियां कि पैल्यक बगत मा छड़ी जातरा बागेश्वर बटि निकलें जान्दि छायीं।
द्वी साल पैळि जूना अखाड़ा क प्रमुख हरि गिरि न मुख्यमंत्री से विनीति कै छायी अर छड़ी जातरा दुबरा सुरू करणा क मंजूरि मांगि छायीं। जै क बाद छड़ी जातरा थैं हरिद्वार मा स्थापित कर्यें ग्यें।

ऐ मौका फर मुख्यमंत्री धामीन बोलि कि छड़ी क या रीति पुरणौं क बगत बटि चलणि च। छड़ी जातरा सुरू ह्वै कि सर्या उत्तराखण्ड मा जाली। उन्न बोलि कि हम भगवान ने प्रार्थना करदो उत्तराखण्ड मा पलायन रक्यां, उत्तराखण्ड मा बेरोजगारी खतम हूंया, अर सबि प्रकार क कष्ट दूर हूंया। उत्तराखण्ड राजीखुशी रयां।