मुख्यमंत्री न कायी गढ़वाळि, कुमांऊनी अर जौनसारी मोबाइल एप ‘आखर’ शब्दकोष कु विमोचन

देरादूण। मुख्यमंत्री त्रिवेन्द्र सिंह रावत न अपण घौर मा कर्नळ (रिटा.) डाॅ. डी. पी. डिमरी अर उंका दगड़ियों क गढ़वळि, कुमांऊनी अर जौनसारी मा बणायुँ मोबाइळ ऐप ‘आखर’ शब्दकोश कु विमोचन कायी।

ये मौका पर मुख्यमंत्री न ब्वाळ कि अपणि बोळि अर भाषा का बार मा यु एक सराहनीय पहळ च। हमथैं अपणि बोळि अर भाषा थैं बचाण खातिर ळगातार प्रयास करण चैंद।

वखि डाॅ डिमरी ब्वाळ कि हमर यु प्रयास अपणि बोळि भाषा मा रूचि रखण वळा ज्वान नौंना अर अपणि भाषा से प्यार करण वळा ळोगु खुणि छ। उन ब्वाळ कि उत्तराखण्ड मा अपणि भाषाकु कुई बड़ु शब्दकोष नि च। जै कारण हमन डिजिटन शब्दकोश थैं त्यार करणा कु अजमैस कायी।
डाॅ. डिमरी न ब्वाळ कि ये शब्दकोश थैं बणाण मा अरूण लखेड़ा, पूरन कांडपाल, सनूतन पोखरियाल, उर्मिळा सिंह अर रेखा डिमरी कु सहयोग रायी।