मुख्यमंत्री न कायी माता मंगला जी क जनबार पर 5 करोड रूपयों क परियोजनाओं क शुरूवात

देरादूण। मुख्यमंत्री न माता मंगळा की जन्मबार पर आज अपड़ा घार मुख्यमंत्री आवास मा हंस फाउंडेशन क तरफ बटि उत्तराखण्ड खुणि 105 करोड रूप्यों की परियोजनाओं थैं शुरू कायी।

ईं योजना मा ‘हंस जळ धारा’ सै 200 गौं मा पीणा कू पाणी पुहंचाणें योजना प्रमुख च। ‘हंस जळ धारा’ योजना थैं उत्तराखण्ड मा द्वी से तीन साळु मा पुरू करैं जाळु।

कोविड-19 क कारण बिन्ड़ि संख्या मा भैर बटि अपड़ा गौं अयां ळोगु खुणि हंस फाउंण्डेशनळ 25 करोड रूप्या क राशि द्यायी। यां सै अपड़ा धौर अंय्या प्रवासियों थैं स्वरोजगार करणा मा मदद मिळळि। यांका दगड़ मा उत्तराखण्ड मा 200 गौं मा आंगनबाड़ियों केन्द्र बणणा कु काम च। जैकि लागत 30 करोड रूप्या च।
ये मौका पर मुख्यमंत्री माता मंगळा क दीर्घ आयु की कामना कायी। उन्न ब्वाळ कि माता मंगळा क अपड़ा जीवन मा संघर्ष और उंकी सेवा भाव क विचारधार हम सबि खुणि प्रेरित करदी। ऊंकू जीवन सदनि गरीबों क निस्वार्थ सेवा मा लग्युं च। राज्य सरकार थैं ऊंकु सहयोग हमेशा मिल्णु च। माता मंगळा जी व भोळे जी महाराज समाज सेवा क भारतीय परम्परा थैं अगनै बढ़णा छन। जै से ळाखों ळोगु क जीवन मा खुशी औंणि च।

मुख्यमंत्री न ब्वाळ कि हमर राज्य थैं आज माता जी क जन्मबार पर 105 करोड रूप्यों की सौगात मिळी। यां से पैळि हंस फाउंडेशन न भोळे जी महाराज का जन्बार पर 100 करोड़ रूप्या क योजनाओं राज्य थैं दे छायी। जैमा पौड़ी क लवाड़ मा ‘ नेशनळ स्किळ डेवळपमेंट सेंटर कू निर्माण छायी। मुख्यमंत्री न ब्वाळ कि करोना काळ का संकट मा हंस फाउंडेशन राज्य दगड़ दिन रात एक सहयोगी तरौ खडु़ च। उन्न ब्वाळ कि मि माता मंगळा अर भोळे जी कु आभार प्रकट करदु।

माता मंगळा जी क जन्मबार पर हंस फाउंडेशनळ रूद्रप्रयाग जिळा अस्पताळ मा एम्बुलेंस, नेबुळिजर मशीन लाइफ सपोर्ट डिवाइस, डिफाइब्रिलेटर मशीन, वेंटिलेटर, ऑक्सीजन कंसंट्रेटर, एक्स रे मशीन एवं ईसीजी मशीन भि दीं।