मुख्यमंत्री न कायी भ्रष्टाचार मुक्त उत्तराखण्ड एप-1064 शुरू, ब्वाल भ्रष्टाचारियों पर कड़ी कारवै कर्यें ज्यां

देरादूण। मुख्यमंत्री पुष्कर सिंह धामी न आज सचिवालय मा विजिलेंस विभागाकु बण्यूं भ्रष्टाचार मुक्त उत्तराखण्ड-1064 ऐप थैं शुरू कायी। मुख्यमंत्री न ब्वाल कि ऐ ऐपळ पर जू भि शिकैत आली वीथैं झट से ठीक करै ज्यां। उन्न ब्वाल कि अगर कुईं शिकैत विजिलेंस क बारा मा नि च त वीं शिकैत थैं मुख्यमंत्री हेल्पलाईन नम्बर पर भीज्यें ज्यां। उन्न ब्वाल कि हमथैं या बात भि तय करण प्वड़ळि कि शिकैत करण वला क शिकैत क हर जाणकारी ऊथैं भि मील्यां।

ऐ मौका पर मुख्यमंत्री न सतर्कता विभाग के द्वी इस्पेक्टरू थैं टेबलेट भि दीं। सतर्कता विभाग के औरि कर्मचारियौं थैं भि ऐ काम खूंणि औरि भि टेबलेट दिये जाला।

मुख्यमंत्री न ब्वाल कि भ्रष्टाचारियों पर कड़ी करवै कर्यें ज्यां। मुख्यमंत्री न ब्वाल कि सिकैत करण वला कि समस्या कु जलदी से जलदी समाधान हूंणि चैंद।

मुख्यमंत्रीन निदेशक सतर्कता थैं ब्वाल कि भ्रष्टाचार मुक्त उत्तराखण्ड एप -1064 कु प्रचार-प्रसार सर्या प्रदेस मा कर्यें ज्यां। अर ऐ ऐप क जाणाकारी सब्बि मनखियांे थैं हूंण चैंद।

निदेशक सतर्कता अमित सिन्हा न जाणाकारी द्यायी कि 1064 नम्बर पर ऐपळ अर फोन कैकि कुईं भि मनखि शिकैत करि सकदु। यू नम्बर भारत सरकार बटि मिल्यूं च। एप के शिकैत रजिस्टर ह्वैळी, जैकु पूरु डाटा सम्भालिक रखें जाळु। यू ऐप हिन्दी अर अंग्रेजी दुय्या भाषा मा च।

ऐ मौका पर मुख्य सचिव डॉ. अरविन्द सिंह ह्यांकी, एसपी रेनू लोहानी, सीओ सुरेन्द्र सिंह सामन्त, अनुषा बडोला, निरीक्षक मारूत शाह, विभा वर्मा छायी।