मुख्यमंत्री न दिल्ळैं कोविड-19 संक्रमण थैं रोकणैं कसम

देरादुण। मुख्यमंत्री त्रिवेन्द्र सिंह रावत न आज सविचाळय मा कोविड-19 क संक्रमण थैं रोकणा अर बचाव करणा खुणि जन जागरूक अभियान क तहत विधायक अर अधिकारियों थैं कसम दिल्ळै।

मुख्यमंत्री न कोविड -19 से बचाव खुणि कोरोना वायरस थैं फैळण से रोकणा मा सावधानी बरतंण, कोविड से जुड़यां आचार व्यवहार थैं मनण अर दूसरू थैं भि इंन करणा खूणि प्रोत्साहित करणा कि कसम दिल्लै। मास्क, गिच्च थैं ढक्क कैकि रखण अर दूसरू मनखि से 2 गज क दूर बणैकि रखण, नियमित रूप से साबुण अर पाणि ळ हत्थ धूण , कोविड क ळक्षण हूंण पर उबरि ही डाॅक्टर क सळाह ळिंण अर मिळकैकि कोविड-19 क दगड़ लडै़ ळणन अर जीतणा कि कसम दिळै।

मुख्यमंत्री न ब्वाळ कि जनप्रतिनिधियों अधिकारियों अर कर्मचारियों थैं कोरोनो सै बचणा खुणि जागरूकता पर विशेष ध्यान दिंण चैंद। उन्न ब्वाळ त्योवार, अर हुँदियों क दिन शुरू हूंण वळा छन। जै थैं देखिक मास्क जरूरी, एक दूसर से दूरी बणैकि रखण अर सफै जन निमयों क पाळन करण जरूरी च।

मुख्यमंत्री न ब्वाळ कि जब तक राज्य मा कोविड खत्म नि ह्वै जांदु तब तक जन जागरूकता अभियान चळये जालु। उन ब्वाळ जै मनखि मा कोरोना का लक्षण दिखैंन्दी त तुरन्त याकि संूचना टोळ फ्री नम्बर पर अर स्वास्थ्य विभाग थै द्ये जावा।

मुख्यमंत्री न ब्वाळ कि सुरक्षात्मक उपाय कू पाळन कैरिक इ बिमारी स लडै़ जै सकदु। उन्न ब्वाळ विश्व स्वास्थ्य संगठन अर स्वास्थ्य विभाग क गाइड लैन क पाळन जरूरी च। उन अधिकारी सै ब्वाळ कि बैठकों थैं वर्चुअल कर्या जावा। उन ब्वाळ कि सतर्कता से हमर प्रदेश मा कोविड संक्रमण का कमी ह्वै। लेकिन यांकु मतबळ लापरवैह कतई नि च।

ये मौका मा विधायक वर्चुअळ अर सविचावळ म अपर सचिव श्रीमती राधा रतूड़ी, सचिव आर .के सुधांशु, अमित नेगी, नितेश झा, शैलेष बगोळी, डाॅ पंकज पाण्डेय, डाॅ. रणजीत सिन्हा, महानिदेशक सूचना डाॅ. मेहरबान सिंह बिष्ट अर शासन के अन्य बड़ा अधिकारी छायी।