मुख्यमंत्री धामीन नौन्याळु क दगड़ मा मन्यें लोक त्वोहार फूळदेई

देरादूण। मुख्यमंत्री पुष्कर सिंह धामीन आज अपड़ा घौर (मुख्यमंत्री आवास मा) नौन्याळु क दगड़ मा उत्तराखण्ड कु लोक फूळदेई त्योवार मन्यें।

मुख्यमंत्री न फूळदेई त्योवार के प्रदेस क रैवासियों थैं शुभकामना द्यायी अर प्रदेसक जस (सुख अर समृद्धि) क कामना कायी। उन्न ब्वाळ कि बसंत ऋतु कु यू त्योवार सब्बियकु जीवन मा जय अर खुशहाळी ल्यां। मुख्यमंत्री न अपड़ा घौर मा अयां नौन्याळों थैं उपहार भि दीं।

मुख्यमंत्री न ब्वाळ कि फूळदेई उत्तराखण्ड क संस्कृति अर परम्पराओं से जुड्यूं त्योवार च। उन्न ब्वाळ कि कै भि प्रदेस क संस्कृति अर परम्पराओं क पछ्याण मा लोक त्योवारू क बड़ी भूमिका हूंद। उन्न ब्वाळ हमथैं लोक त्योवारू अर अपड़ि परम्पराओं थैं अगने बणाणा खूंणि काम करण प्वड़ळु।