छः लाख से जादा इन्कुल्यां नौन्याळु तैं मिड डे मील म नी मिलळु झंगोरु

देरादूण। मिड डे मील म छः लाख से जादा इस्कुल्यां नौन्याळु तैं म्वाटु नाजै दियें जाणा योजना तैं बौत बडु़ झटका लगिग्यें। अब सरकरि इस्कुळुम मा झंगोरु नी मिलळु।

क्वादु, झंगोरु अर म्वाटु नाज शरैल खूंणि बौत फैदामन्द हूंद, इल्लै सरकारन मिड-डे मील म सामिल करण कु फैसला कै छायीं। अबि सरकरि राशन न दुकनि मा म्वाटु नाज नी मिलणु च अर सरकरि इस्कुळु मा झंगोरु नी दियें जाणु च।

मिड डे मील योजना मा सितम्बर बटि देंणा कु फैसला कै छायीं जैमा देरादूण अर ऊधमसिंह नगर मा बण्यूं केन्द्रीय रस्वड़ो तैं झंगोरु दियें जाणु छायीं। शिक्षा विभाग न या खूंणि 166 कुन्तल झंगोरु क मांग कै छायीं पर राज्य सहकारी संघ न झंगोरु नी दियें जाणा खूंणि अपड़ि मजबूरि बतै दे।

बतै दियां कि प्रदेस सरकारन क्वादु, झंगोरु क दगड़ औरि म्वाटु नाज तैं शरैल खूंणि फैदामन्द बतै छायीं अर मिड डे मील मा दियें जाणा कु भरोसु दियूं छायीं। म्याटु नाज राशनी दुकनि मा नी मिलणु च अर अब सरकरि इस्कुळौं मा बि झंगोरु नी दियें जालु।
बतै दियां बल शिक्षा विभागन पीएम पोषण क जरिया म्वाटु नाज मा झंगोरु दियें जाणा खूंणि उत्तराखण्ड राज्य सहकारी संघ तैं चिट्ठी लेखी छायीं। विभाग न बतै कि पैलि द्वी केन्द्रीय रस्वाड़ों क बाद प्रदेस मा छः लाख से जादा इस्कुळयां नौन्याळु तैं झंगोरु दियें जाणु छायीं।

उत्तराखण्ड प्रदेसा सहकारी संघ न शिखा विभाग तैं चिट्ठी लेखि अर बोलि कि साल 2022 -23 मा शासन क निर्देश फर क्वादु खरीदणा फर खास ध्यान दियूं छायीं। इल्लै झंगोरु जादा नी मोल्यें ग्यें। अबि राज्य सहकारी संघ म झंगोरु नीं च, सहकारी संघ केन्द्रीयकृत रस्वाड़ों तैं झंगोरु नीं दे सकदु।