मानव उत्थान सेवा समिति न मुख्यमंत्री तैं द्यायी चारधाम जातरियों क दुर्घटना सुरक्षा बीमा कु चेक
देरादूण। चार धामु क औंणवला जातरियों क सुरक्षा खूणि मानव उत्थान सेवा समिति न यूनाइटेड इंडिया इंश्योरेंस कंपनी लिमिटेड बिटि श्री बदरीनाथ केदानाथ मंदिर समिति क जरिया दस करोड़ रुप्यौं कु दुर्घटना बीमा दिंयू च।
प्रदेसा कैबिनेट मंत्री सतपाल महाराजन अपणि संस्था मानव उत्थान सेवा समिति क तरफा चर्या धामु म आण वला जातरियों क सुरक्षा खुणि यूनाइटेड इंडिया इंश्योरेंस कंपनी लिमिटेड बिटि श्री बदरीनाथ केदारनाथ मंदिर समिति क जरिया दस करोड़ दुर्घटना बीमा दिंयू च।
महाराज अर सुयश रावतन आज मुख्यमंत्री क दप्तर म बीमा किस्त कु चैक मुख्यमंत्री धामी अर श्री बदरीनाथ केदारनाथ मंदिर समिति क अध्यक्ष अजेंन्द्र अजय थैं द्यायी।
सतपाल महाराजन बतै कि सबि धामु कु दुर्घटना बीमा ढाई करोड रुप्या तय च। जातरियों क सुरक्षा बीमा प्रीमियम क किस्त तीन लाख सड़सठ हजार नौ सौ पिचानबे रुप्यौं कु चेक श्री बदरीनाथ केदारनाथ मंदिर समिति तैं दियें ग्यायी।
ऐ मौका म यूनाइटेड इंडिया इंश्योरेंस कंपनी लिमिटेडा उप महाप्रबंधक गीता आनंद अर सीनियर ब्रांच मैनेजर जितेन्द्र छायीं।