मैंग्ये क खिलाफ कांग्रेसन द्यायी धरना

देरादूण। बणदा मैंग्ये से देस क मनखी परेसान छन, मैंग्ये न गरीब कुटम्दरि के कमर तोड़ि द्यायी। इन्न मा लगातार हूंणि वळि मैंग्ये क खिलाफ कांग्रेस पार्टी न हल्ला बौल्यूं च। आज कांग्रेस पाटी न मैंग्ये का विरोध्ध मा गांधी पार्क मा धरना द्यायी अर केन्द्र सरकार से मैंग्ये पर रोक लगाणा क मांग कायी।

ऐ मौका पर प्रीतम सिंह न ब्वाळ कि कांग्रेस पार्टी 7 अप्रैल खूंणि प्रदेस मा मैंग्ये क खिलाफ हूंणि वळु वलु प्रदर्शनक त्यारी पूरी कैरि याली।

उन्न ब्वाल कि जन देस अर प्रदेस मा मैंग्ये बणदा जाणी च, जैका खिलाफ कांग्रेस क राष्ट्रीय नेतृत्व न देस मा कांग्रेस कार्यकतों थैं ब्वाळ कि मैंग्ये क खिलाफ प्रदर्शन करै ज्यां। इल्लै आज उत्तराखण्ड मा बढ़दी मैंग्ये क विरोध मा प्रदर्शन करै ग्यायी। प्रीतम सिंह न ब्वाल कि उत्तराखण्ड सरकार थैं बताणा चैंद राज्य मा भाजपा सरकार प्रदेस रैवासियों क क्या मदद करणि च? वखि राजस्थान अर छत्तीसगढ़ क कांग्रेस सरकार प्रदेस क रैवासियों थैं अपड़ा स्तर से राहत देणा कु काम करणा च।