हल्द्वानी घपरोळ कु आरोपि अब्दुल मलिक गिरफ्तार

देरादूण। हल्द्वानी घपरोळ कु मुख्य आरोपि अब्दुल मलिक तैं पुलिसन दिल्ली मा पकड़ियाली।
उत्तराखण्ड पुलिसा प्रवक्ता नीलेश आनंद भरणे अर एसएसपी नैनीताल प्रह्लाद नारायण मीणा न अब्दुल मलिक तैं पकडणा क बारा मा बतै।

अब्दुल मलि तैं पकणा खूणि प्रदेसा पुलिस लगातार कोसिस करण छायी। हल्द्वानी मा 8 फरवरी खूणि ह्वे घपरोळा बाद अब्दुल मलिक भज्यूं छायी। पुलिसन अब्दुल तैं पकड़णा खूणि उत्तरप्रदेस, हरयाणा अर दिल्ली मा वैंथे पकड़णा डय्यरा जमयूं छायी। पुलिस तैं या जाणकारी छायीं कि अब्दुल मलि दिल्ली मा हि कखि लुक्यूं च। पुलिसन बतै कि हमरि 8 टोळि देसा हिस्सौं मा अब्दुल मलिक तैं ख्वजणि छायीं। उन्न बोलि अबि अब्दुल मलिका नौना क ख्वजें जाणु च अर वैंथे बि जल्दी हि पकडे जालु।