बाबा रामदेव थैं महाराष्ट्र महिला आयोगा क नोटिस, तीन दिनमा मांगि जवाब

देरादूण। महाराष्ट्र ठाणे मा एक योग शिविर मा बाबा रामदेव क बयान थैं लेकैकि मच्यूं घपरोल बढ़दै जाणु च। अब ऐ मामला मा महाराष्ट्र महिला आयोगा न मा ऐ सिकैत दर्ज कर्ये।

जैका बाद बाबा रामदेव थैं नोटिस दियें ग्यें अर तीन दिनु क भितर अपड़ि बात फर सफै देंणा खूंणि ब्वलें ग्यें। दूसर तरफ दिल्ली महिला आयोग क अध्यक्ष न भि ऐ मामला मा बाबा से माफी मंगणा क मांग कायी।

बतै दियां कि अबि द्वी दिन पैलि ठाणे मुम्बई कु एक योग शिविर मा ब्यटुळौं थैं लेकैकि एक विवादिन बयान दे द्यायी।

बाबाराम देव न बोल कि ब्यटुला साड़ि मा बौत भलि लगदि, सलवार सूट मा बौत भल्लि लगदि। उन्न बोलि मिथैं त ब्यटुला कुछ भि न पैर्यां तबि भलि लगदि।

सोशल मीडिया मा बाबा क बयान थैं लेकैकि लोगुक छ्वीं समणि आणि छन।

बाबा राम देव के एक बयान क बाद दिल्ली महिला आयोग के स्वाति मालीवाल न लेखि कि महाराष्ट्र के उपमुख्यमंत्री क घरवळि के समणि बाबा ब्यटुलों के बारा मा जन्न ब्वना छन वु बौत खराब च। बाबा बयान से ब्यटुलों थैं पिड़ा ह्वै। बाबा थैं देस से माफी मंगण चैंद।