लक्ष्स सेन न प्रधानमंत्री थैं द्यायी बाल मिठै, प्रधानमंत्री ह्वैग्यीं बौत खुस

भारतक बैडमिंटन टीम न अबि थॉमस कप जीति। भारतन 14 बार के चैंपियन इंडोनेशिया थैं हरै। जैका बाद प्रधानमंत्री मोदी न टीम के सब्यां खिलाडियों के दगड़ मा बात कायी अर उत्तराखण्ड क लक्ष्य सेन खूंणि बाल मिठै ल्याणा खूंणि बोलि। जैका बाद आज लक्ष्य सेन न प्रधानमंत्रीक या इच्छा पूरि कैरि द्यायी। बतै दियां कि प्रधानमंत्री सर्या टीम थैं मिलणा खूंणि बुल्यें छायीं।

थॉमस कप जीतण के बाद प्रधानमंत्री न टीम थैं बधै द्यायी अर छुईं लग्यें। तबि प्रधानमंत्री न लक्ष्य सेन खूंणि बोलि कि अब बाल मिठै खिलाण प्वाड़लि।

आज प्रधानमंत्री न अपड़ा घार मा थॉमस कम जीतण वला खिलाड़ियों से भेंट कायी। लक्ष्य सेन ने प्रधानमंत्री थैं बाल मिठै कु डब्बा द्यायी अर ब्वाल कि मि बाल मिठै लेकैकि अंयू छौ। ईं बात पर प्रधानमंत्री हैंसण लगि अर फिर द्वियों छुईं बत्था लगाण बैठिग्यीं।

बतै जाणा च अब 24 मई खूंणि देरादूण मा मुख्यमंत्री धामी अर रेखा आर्य लक्ष्य सेन थैं गणखणु (सम्मानित) कारला।