कांग्रेस थैं बड़ु झटका, किशोर उपाध्याय ह्वाळा भाजपा शामिळ
देरादूण। एक तरफ टिकटों को बटवारू थैं लैकिक कांग्रेस मा धपरोळ मच्यूं च अर कांग्रेस टिकट नि मिळण से रूस्यां उम्मीदवारू थैं मनौंणा मा लगिं च त दूसर तरफ कांग्रेस क बड़ा बड़ा नेता कांग्रेस थैं छोड़िक भाजपा मा जाणा छन।
पैळि महिळा कांग्रेस क अध्यक्ष च सरिता आर्य त अब खबर इन्न आणि च कि किशोर उपाध्यायळ भि भाजपा मा जाणा कु मन बण्यें याळी।
गांधी परिवार से जुड्यां किशोर उपाध्याय बौत दिन बटि कांग्रेस क बड़ा नेताऊँ क नाराजगी थैं झळणा छायीं। अब्बि कुछ दिन पैळि हि पार्टी न ऊँथैं सब्बि पदू बटि ह्टै दें छायीं।
कांग्रेस से रूस्यां किशोर उपाध्याय क भाजपा मा जाणा से कांग्रेस थैं चुनौं से पैळि बौत बड़ु झटका च।
बत्यें जाणु च भौळ किशोर उपाध्याय भाजपा मा शामिळ ह्वाळा अर खबर त नि भि आणि च कि भाजपा किशोर उपाध्याय थैं टिरी विधानसभा बटि चुनौ मैदान मा उतारळि।