खेल भावना क दगड़ खेलिक देस कु नौं ऊचुँ कर्यां : धामी
मुख्यमंत्री धामीन आज हरद्वार मा पंतद्वीप खेल मैदान मा पौंचिक 48 वीं राष्ट्रीय जूनियर कबड्डी चैम्पियनशिप 2022 थैं सुरू कायी। ऐ मौका फर मुख्यमंत्री न औरि प्रदेसु बटि अयां खिलाड़ियों क दगड़ मा कबड्डी खेलिक ऊंकु मतंग (उत्साह) थैं औरि बढ़ैं दे।
मुख्यमंत्री न बोलि कि खिलाड़ि खेल भावना क दगड़ मा खेलिक देस कु नौं ऊचुँ कर्यां।
मुख्यमंत्री न बोलि कि केन्द्र अर प्रसेद सरकार खेळु क दगड़ मा पीड़ रखण वळौं क कन्धु से कन्धु मिलैकि खड़ि च।
मुख्यमंत्री न बोलि कि प्रदेस सरकार गौं मा ख्यलण वळों थैं खोजिक अगनै ल्याणा कु काम करणि च। उन्न बोलि जु खिलाड़ि खेळु मा बौत अच्छा छन पर कै कारण से अगनै नीं ऐ सकदा, उथैं सरकार अगनै ल्याणा खूंणि काम करणि च।
मुख्यमंत्री न बोलि कि देरादूण मा महाराणा प्रताप स्पोर्ट्स कॉलेज थैं स्पोर्ट्स यूनिवर्सिटी बण्यें जाणु च। गौं गौं मा जिम ख्वलें जाणा क बंदोबस्त कर्यें जाणु च।
ऐ मौका फर विधायक मदन कौशिक, आदेश चौहान, पूर्व कैबिनेट मंत्री स्वामी यतीश्वरानंद, अखाड़ा परिषद क अध्यक्ष स्वामी रविद्र पुरी महाराज, हरिद्वार महापौर अनिता शर्मा, जिला पंचायत अध्यक्ष किरण चौधरी अर औरि लोग छायीं।