केदारनाथ गर्भगृह मा सुनु लगौंणा कु मामळु , गणेश गोदियाल न बोलि कख ग्यें सुनु

देरादूण। केदारनाथ मंदिर मा सुनु लगौंणा कु मामला खतम हूंणा क नाैं नी लिणूं च। ऐ मामळु मा पैल्यक बदरीनाथ केदारनाथ मंदिर समिति क पैल्यक अध्यक्ष गणेश गोदियाल न गुच्चु अब अपडु़ खोलि। गणेश गोदियाल न बीकेटीसी न अध्यक्ष अजेंन्द्र अजेय क दगड़ा-दगड़ि धामी सरकार पर हमला बोलि।

बदरीनाथ केदारनाथ मंदिर समिति क पैल्यक अध्यक्ष गणेश गोदियाल न बोलि की जब गर्भगृह मा सुनु लगौंणा क काम हूंण छायीं तब बीकेटीसी क अध्यक्ष अजेन्द्र अजय ब्वना छायीं कि दानदाता न 230 किला सूनु केदारनाथ मंदिरा गर्भगृह मा लगौंणा खूंणि दे। उन्न बोलि कि अब जब सोशल मीडिया मा सुनु क पीतल हूंणा क बात समणि आणि च त बीकेटीसी क अध्यक्ष 23 किलो सुनु क बात करणा छन।

गणेश गोदियाल न बोलि कि अब सवाल यों च कि 207 किलो सुनु कख ग्यें।

गणेश गोदियान बोलि कि 2013-14 मा जब मि बीकेटीसी कु अध्यक्ष छायीं तब बि ये हि व्यापारी न 500 किलो सुनु केदारनाथ मा चढ़ौंणा क बात बोलि छायीं पर उबरि हमन जब सवाल खड़ करिन त सुनु दान देंण वळ न दान देंण से मना कै दे।

गणेश जोशी न बोलि कि यु मामळु 80 जी कु च। गणेश गोदियान बोलि कि आज योग दिसव फर कांग्रेस ये मामळा मा उठै कि यु रैबार देंणि च कि या बात कतगा त सच अर झुठ च। उन्न बोलि कि अज्ञात मनखि सुनु दान दिन्द त सुनार बुल्यें जान्द अर सर्टिफिकेट दियें जान्द। उन्न बोलि कि केदारनाथ गर्भगृह मा लग्यूं सुनु तैं बीकेटीसी न सोना मलवा मा पंजीकृत कै छायीं। इन्न मा सुनु क जाचं किलै नी कर्यें ग्यें?

गणेश गोदियाल न बोलि कि अगर केदारनाथ मंदिर बटि सुनु गैब ह्वै, त यु हमरि जन्मजात जैजाद पर डाका च। उन्न सवाल कायी कि बीकेटीसी न 230 किलो सुनु पर जबाव देंण चैंद अर बतौंण चैंद कि समिति तैं 23 किलो सुनु क माप कख बटि पता चलि? उन बोेलि कि मंदिर समिति तैं यु बतौंण चैंद की गर्भगृह मा सुनु लग्ये ग्यें की कुछ औरि ?

गणेश गोदियान मंदिर समिति न ब्वनी च कि सुनु लगौंणा कु काम आर्कलॉजिकल सर्वे ऑफ इंडिया न देखरेख मा ह्वै त सर्वे ऑफ इडिया तैं बतौंण चैंद कि उन्न क्या काम कायी?