केदारनाथ धाम क धार्मिक आस्था, पवित्रता क ठट्टा लगौंण वळौं फर ह्वैली कारवै

देरादूण। केदारनाथ मंदिर कु गर्भगृह क पांिळ मा लग्यूं सुुनूं क प्लेट पर उठ्यां विवाद पर आज प्रदेसा पर्यटन, धर्मस्व अर संस्कृति मंत्री सतपाल महाराजन सचिव धर्मस्व तैं जांच क आदेश दीं अर बोलि अब ये मामळा मा जादा बात करण क जरुरत नीं च।

केदारनाथ मंदिर क गर्भगृह क पाळि मा लग्यूं सुनूं क प्लेट पर उठ्या विवाद फर महाराजन सचिव हरीश चन्द्र सेमवाल तैं मामळा मा उच्च स्तरीर जांच क आदेश दीं अर दगड़ा दगड़ि बोलि कि केदारनाथ धाम क धार्मिक आस्था, पवित्रता क ठट्टा लगौंण वळों तैं नीं छ्वड़े जाळु। उन्न बोलि कि सच्चै सब्यौं क समणि आण चैंद, जु बि कुछ जांच मा समणि आलु वै क बाद अगनै कारवै ह्वैली।

सतपाल महाराजन बोलि कि अबि यु नी ब्वलें जै सकदु कि केदारनाथ मा जै श्रद्धालु न दान दे वैन तांबा दान दे। उन्न बोलि दानदाता न हि मंदिरा गर्भगृह मा काम कायी। इल्लै गर्भगृह मा सुनूं लगौंणा क काम मा क्वीं घपरोळ, इन्न ह्वै नीं सकदु। उन्न बोलि अफवा फैल्यें जाणि च अर चारधाम जातरा तैं बदनाम कैकि राजनीति कर्यें जाणि च। इल्लै ऐ मामला मा उन्न उच्च स्तरीय जांच क आदेश देयली, उन्न बोलि सच समणि आण चैंद अर जु दोषि छन ऊंथैं सजा मिलण चैंद।