कैका आदेश पर खुल्ळनि देरादूण क शाॅपिग माॅळ : दून उद्योग व्यापार मंडळ

UK Dinmaan

देरादूण। दून उद्योग व्यापार मण्डळन प्रदेश मा कोरोना कु प्रकोप कम हूंण क् बाद सरकार से हाथ जोड़ि-जोड़िक बाजार ख्वळण खूंणि ब्वाळ। जै कारण से मुख्यमंत्री क ब्वळण पर शासन आदेश कायी। नै एसओपी मा कोविड-19 क नियमु थैं ध्यान मा रैखिक सब्बि दुकानदारू थैं बजार ख्वळण खूंणि ब्वळे ग्यायी। ईं बात थैं ध्यान मा धैरिक आजै दिन मा देरादूण क बाजार ख्वलेंग्यी।

दून उद्योग व्यापार मण्डळक अध्यक्ष विपिन नागलिया न ब्वाळ कि एसओपी व साफ लैख्युं छायी कि अबि शाॅपिग माॅळ नि खुल्ला।

उन्न ब्वाळ कि या बड़ा ठीसक् (दुख) बात च आजै दिनमा देरादूण मा कई शाॅपिग माॅळ खुल्यां छायी। उन्न ब्वाळ कि आखिर कैक ब्वल्याँ पर शाॅपिग माॅळ खुल्या छायी, अर उ कु ळोग छन जु सरकार विरोधि छन। उन्न ब्वाळ कि व्यापार मण्डळ घोर निन्दा करदु अर देरादूण क माॅळ वाळों खूंणि अपील करदु कि कुईं भि इन्न काम न कर्या जै कु असर सर्या व्यापार मण्डळ थैं उठाणा प्वड़याँ। उन्न ब्वाळ कि बजार खुव्ळण कु मतबळ यू नि च कि कोविड खतम ह्वै ग्यायी।

दून उद्योग व्यापार मण्डळ का अध्यक्ष व ब्वाळ कि हमने सब्बि दुकानदारू से अपीळ कायी कि कै भि ग्राहक थैं बिना मास्क दुकनी मा नि आणा द्यायाँ।