कलाकारू थैं सदनि सम्मान देंण क पक्ष मा च सरकार : सतपाल महाराज

प्रदेस सरकार प्रदसे मा सांस्कृतिक कार्यक्रमु थैं अगनै बढ़ौंणा खूंणि सदिन कलाकारू थैं सम्मान देंण क पक्ष मा च। हम प्रदेस मा ललित कला थैं बढ़ावा देंण खूंणि बौत कोसिस करणा छौ। या बात प्रदेस के संस्कृति, धर्मस्व, पर्यटन, लोक निर्माण, सिंचाई, पंचायती राज, ग्रामीण निर्माण अर जलागम मंत्री सतपाल महाराजन ललित कला अकादमी भारत सरकार अर संस्कृति विभाग क 26 जुलै (कारगिल दिवस) बटि चलणि राष्ट्रीय चित्रकला कार्यशाला खतम हूंण पर बोलि।

महाराजन न प्रदेस के रैवासियों से 13 से 15 अगस्त तक अपड़ा अपड़ा घार मा राष्ट्रीय ध्वज तिरंगा लगौंणा क विनती कायी अर बोलि कि ‘हर घर तिरंगा’ अभियान आजादी क अमृत महोत्सव क एक भाग च, जै थैं आजादी के 75 साल पूरा हूंण क खुसी मा मन्यें जाणु च।

सतपाल महाराजन बोलि कि कारगिल दिवस अर आजादी क अमृत महोत्सव पर यख उर्यूं ऐ कार्यक्रम राष्ट्रीय चित्रकला कार्यशाला मा देस क कलाकारू न भाग ल्यें। पिछळि हफ्ता मा सबि कलाकारू न अपड़ि कला थैं दिखें अर ललित कला थैं अगनै बढ़ाणा खूंणि अपड़ि सहयोग दें। उन्न बोलि बल कार्यशाला मा भाग लिंण वला बच्चों न सैनिकु क वीरता थैं अपड़ि कला मा उकेरिक दिखें। उन्न बोलि इन्न उर्यां कार्यक्रमुळ बच्चों थैं अगनै बढ़ाणा कु हौसला मिलदू।