जैदाद बटवारू क मामला मा यूकेडी न उत्तरप्रदेस पर उत्तराखण्ड थैं ठगोंणा क लग्यें आरोप, प्रधानमंत्री से कायी न्यो (न्याय) क मांग

देरादूण। उत्तराखण्ड क्रांति दलन उत्तराखण्ड क जैदाद (सम्पति) बटवारू क मामला मा उत्तरप्रदेस पर उत्तराखण्ड थैं ठगोंणा के आरोप लग्यें।

यूकेडी के केन्द्रीय मीडिया प्रभारी शिवप्रसाद सेमवाल अर मुख्य प्रवक्ता सुनील ध्यानी ने प्रधानमंत्री थैं चिट्ठी लेखि के कि उत्तरप्रदेस अर उत्तराखण्ड के बीच मा हूयां जैदाद (सम्पति) क बटवारू क मामला मा उत्तराखण्ड थैं छकौण (छलना) कु काम ह्वै। उत्तरप्रदेस न उत्तराखण्ड क दगड़ न्यो (इंसाफ) नि कायी।

यूकेडी क शिवप्रसाद सेमवालन बोलि कि सुप्रीम कोर्ट मा मुकदमा जितणा के बाद भि उत्तराखण्ड सरकारल उत्तरप्रदेस क दगड़ ऐ मामला मा बच्याण (बात करना) बन्द नि कायी। उन्न बोलि कि ईं कारण च कि उत्तरप्रदेस अबि भि उत्तराखण्ड मा अपडु हक जमाणु च।

यूकेडी के प्रवक्ता सुनील ध्यानी ने बोलि कि प्रधानमंत्री नरेन्द्र मोदी थैं झट कैकि ऐ मामला मा उत्तराखण्ड हककि बात करण चैंद। उन्न बोलि नथर हमथैं आंदोलन चलौण प्वाड़ळु, जै सै भाजपा थैं बौत बडु ट्वटा (नुकसान) होलु।

उन्न बोलि कि अलकनंदा होटल क बदला मा उत्तरप्रदेस थैं भागीरथी होटल खूंणि जमीन दियें ग्यायी, यां से साफ लगणु च आणा वला बगत मा टीरि डाम अर उधमसिंह नगर क नानक सागर, धोरा अर बैगुल जलाशय क मामला मा भि उत्तराखण्डक दगड़ मा न्यो (न्याय) नि ह्वै साकलु। उन्न बोलि कि टीरि बांध उत्तराखण्ड मा हूंण के बाद बि उत्तराखण्ड थैं 12 प्रतिशत रॉयल्टी मिलदि। त उधम सिंह नगर क बांध मा उत्तरप्रदेस अपडु भाग मंगणु च।

उन्न बोलि क अबि उद्योग विभाग अर सिंचाई विभागक बौत सर्या मामलों कु बटवारू नि ह्वै। उन्न बोलि बल हरिद्वार मा अबि जन्न बटवारू ह्वै वै से इन्न लगणु च कि बटवारूक मामला मा उत्तराखण्ड थैं ट्वटा हि होलु। ऐ बटवारू थैं लैकैकि यूकेडी न प्रधानमंत्री थैं ये मामला मा उत्तराखण्ड के दगड़ मा न्यो करणा मांग कायी।