जागेश्वर धाम मा प्रधानमंत्री कराला पूजा

देरादूण। भोल 12 अक्टूबर खूंणि प्रधानमंत्री उत्तराखण्ड क पिथौरागढ़ जिला मा औंणा छन।
बत्यें जाणु च प्रधानमंत्री सबसे पैलि जागेश्वर धाम मा दर्शन काराला। बागेश्वरा मंदिर तैं 20 कुन्टल फुळु न सजयें ग्यायीं। 12 बजि प्रधानमंत्री जागेश्वर धाम मा पौंछला अर वखक पुजारि हेमंत भट्ट प्रधानमंत्री कु स्वागत कराला। प्रधानमंत्री पूजा करणा बाद 25 मिनट तक मंदिर मा राला। मंदिर समिति न पीएमओ तैं मंदिर कु इतिहास क बारा मा बत्यें याली। बत्यें जाणु च मंदिरा बड़ा पुजारी अर मंदिर से जुड़यां पदाधिकारी प्रधानमंत्री तैं मंदिरा बारा मा जाणकारी द्याला।

प्रधानमंत्री तैं मंदिर छाल पर बगण वलु गदना क बारा मा बत्यें जालु। यांका दगड़ा-दगड़ि कमल कुण्ड कु महत्व क्या च? यांका बारा मा बि प्रधानमंत्री तैं बत्यें जालु।

4200 हजार करोड़ योजनौं कु बि काराला शिलान्यास:
प्रधानमंत्री मोदी जागेश्वर धामा दर्शनु क बाद पिथौरागढ़ मा एक जनसभा तैं सम्बोधित काराला अर 4200 करोड़ रुप्यौं क योजना कु शिलान्यास बि काराला।