बगत कु महत्व तैं समझण जरूरी च, जु बगत निकळि ग्येें वु वापिस नीं औन्दु: मुख्यमंत्री
टिरी। मुख्यमंत्री धामीन आज जिला कार्यालय टिरी मा ‘आत्मनिर्भर टिरी की संकल्पना’ विषय मा प्रतिभाशाली नौन्याळु अर बाल विधायकु क दगड़ छ्वी बत्था लग्यें अर बोलि कि सदनि या सौं लियां कि हमतैं अगनै बढ़ण अर जै बि क्षेत्र मा काम कर्या, सदनि अगनै रैकेकि काम कर्यां।
उन्न बोलि कि बगत कु महत्व तैं समझण जरूरी च। जु बगत निकळि ग्येें वु वापिस नीं औन्दु, इल्लै बगत कु सै उपयोग कर्यां। मुख्यमंत्री न बोलि कि इमत्यान कु बगत निस फ्रीकर ह्वै कि पढ़ै कर्यां अर क्वीं बि काम गर्रु (बोझ) समझि कि नी कर्यां।
उन्न बोलि काम करदा ज्यूं मा मतंग हूंण चैंद, जै से क्वीं बि काम कर्यें जै सकदु।
एक मौका फर सांसद श्रीमती माला राज्य लक्ष्मी शाह, विधायक किशोर उपाध्याय, विनोद कंडारी, शक्तिलाल शाह, प्रीतम सिंह पंवार, जिलाधिकारी टिहरी डॉ. सौरभ गहरवार, एसएसपी नवनीत सिंह भुल्लर क दगड़ मा औरि ळोग छायीं।