सिंचै विभाग थैं पाड़ मा खास ध्यान देंणा क जरूरत च : मुख्यमंत्री धामी
देरादूण। मुख्यमंत्री पुष्कर सिंह धामीन आज सचिवालय मा सिंचै विभाग क समीक्षा बैठक कायीं अर बोलि कि अफसरू थैं बोलि कि जिमदारू क हितु थैं ध्यान मा धैरिक योजना बण्यें ज्यां। उन्न बोलि कि सिंचै अर लघु सिंचै विभाग कृषि अर उद्यान विभाग क दगड़ मिलिकि काम कर्यां।
मुख्यमंत्री न बोलि कि संब्या विभागु थैं 2025 तक बेस्ट प्रैक्टिस क तरौं भुंय्यां (जमीन) मा काम करै सकदन। उन्न अर अगनै दस सालकु रोडमैप बणाणा खूंणि बोलि।
मुख्यमंत्री न बोलि कि हमथैं पाड़ मा पाड़ क रैवासियों क आमदनी बढ़ाणा खूंणि बागवानी पर जादा से जादा ध्यान देंण जरूरत च। 5 सालु मा प्रदेस के जीडीपी थैं द्वीं गुणा करणा खूंणि संब्या विभागु थैं औरि तेजी से कम करण प्वाड़ळु।
मुख्यमंत्रीन बोलि बल सौंग अर जमरानी परियोजना प्रदेस मा पाणि अर सिंचै खूंणि बौत जरूरी परियोजना छन। उन्न अफसरू थैं निर्देश दीं कि सौंग बांध परियोजना मा रुक्यां कामु थैं जल्दी से जल्दी पूरा कर्यां। उन्न बोलि कि इ परियोजना मा देर नि हूंण चैंद। अर कुईं समस्या च त ऐ मामला मा बड़ा अधिकारियों थें बत्यें ज्यां।
मुख्यमंत्री न सिंचै विभाग के अफसरू थैं बोलि कि प्रदेस क शहरी तोक मा डेªनेज प्लान जल्दी से बण्यें ज्यां। उन्न पाणि बचौंणा खूंणि साख ध्यान देंण बात बोलि। मुख्यमंत्री न बोलि कि तलौं (तालाब/ जलाशयों) मा पाणि जादा अयां या खंूणि हमथैं कोसिस करणा क जरूरत च।
मुख्यमंत्री न बोलि कि अगनैक बैठक कब ह्वैळी, यू आज हि बत्यें ज्यां। उन्न बोलि कि संब्या विभागु तय कर्यां कि बैठक मा जू भि फैसला लियें जन्दिन अर जू काम दियें जान्द, वै फर क्या काम ह्वै या कि जाणकारी अगलि बैठक मा बत्यें ज्यां।
बैठक मा अपर मुख्य सचिव राधा रतूड़ी, आनन्द बर्द्धन, सचिव आर. मीनाक्षी सुंदरम, शैलेश बगोली, एच.सी. सेमवाल, एस.एन. पाण्डेय, अपर सचिव ललित मोहन रयाल, सिंचाई विभाग क विभागाध्यक्ष मुकेश मोहन अर विभागीय अधिकारी छायीं।