इंस्पेक्टर घौर मा ऐकी जमा कराळु हाउस टैक्स, नगर निगम कै याली नै बन्दबस्त

देरादूण। घौर मा बैठिक ह्वै जाळु हाउस टैक्स जमा। या बात नगर आयुक्त मनुज गोयल न बतै उन्न बोलि बल पीओएस मशीनु कु प्रयोग सफळ ह्वै अर अब इंस्पेक्टर घौर मा जैकि हाउस टैक्स जमा कराळा अर रसीद भि द्याळा। उन्न बोलि कि हमन चकशाह नगर अर राजपुरा क दफतरु मा पीओएस मशीन दियाळी। उन्न बोलि कि यांका बाद ऑन लैन टैक्स जमा करणा कु बन्दबस्त भि राळु।

बतै दियां कि ऐसु क साळ नगर निगमान 50 करोड़ रुप्या हाउस टैक्स जमा करणा कु लक्ष्य धर्यूं च अर अबि तक 20 करोड़ रुप्या हि जमा हूयां छन।

हाउस टैक्स जमा करणा खूंणि नगर निगमान ऑनलैन अर ऑफलैन द्विया बन्दबस्त करयां छन। अब नगर निगमान पीओएस क जरिया हाउस टैक्स जमा करणा कु बन्दबस्त सुरु कै याळी। जै से निगम हाउस टैक्स जादा से जादा जमा ह्वै सक्यां।

घौर मा बैठिक हाउस टैक्स जमा करणा कु सबसे जादा फैदा उ ळोगु थैं ह्वाळु जु ऑनलैन अर नगर निगम मा जैकि टैक्स जमा नीं कै सकदन।